कर्ज योजना

आपल्या तात्काळ गरजा भागवणं असो किंवा आपली छोटी-मोठी स्वप्नं असोत, पैसा हाताशी हवाच असतो. परंतु सर्वसामान्य नोकरदार बंधूंना आपल्याच कामाच्या पैशांसाठी अर्थात पगारासाठी महिनाभर वाट पाहावी लागते. गरजेच्या वेळी हाताशी पैसे नसल्यास मोठी तारांबळ होते. अशा वेळी तुम्हाला साथ देते श्री व्यंकटेश मल्टीस्टेट सोसायटी! आम्ही जाणतो तुमच्या स्वप्नांचं आणि गरजांचं महत्व आणि म्हणूनच संस्था तुम्हाला उपलब्ध करून देते पगार तारण कर्ज; ज्यात तुमच्या येणाऱ्या पगारावर तुम्हाला कमीत कमी कागदपत्रांवर तात्काळ कर्ज मिळवून दिले जाते व वेळीच तुमची गरज पूर्ण करण्यासाठी हातभार लावला जातो.
तुम्ही नोकरदार असाल तर गरजेच्या वेळी पगाराची वाट पाहू नका. पगार तारण कर्जासाठी व त्याबाबत अधिक माहितीसाठी आजच आपल्या नजीकच्या श्री व्यंकटेश मल्टीस्टेट शाखेशी संपर्क साधा.

आजच्या धावपळीच्या जगात आपल्याकडे स्वतःचं वाहन असेल तर आयुष्य सुखकर आणि सोयीस्कर होतं. म्हणून तर, वाहन हे आजच्या काळात केवळ एक प्रतिष्ठेचं साधन राहिलं नसून एक अत्यावश्यक गरज झाली आहे. कित्येक लोकांचा तर व्यवसाय आपल्या वाहनांवरच अवलंबून असतो, तर कित्येक आपलं स्वतःचं वाहन असावं असं स्वप्न पाहतात. मात्र अनेक आर्थिक अडचणी या स्वप्नांच्या आड येत असतात. शिवाय वाहन खरेदीसाठी मोठी रक्कम मोजावी लागते जी सहजासहजी आपल्या हाताशी नसते. पण आता श्री व्यंकटेश मल्टीस्टेट सोसायटीच्या वाहन कर्ज योजनेंतर्गत वाहन कर्ज घ्या कमीत कमी व्याजदरात, शिवाय कमीत कमी कागदपत्रांसह तात्काळ कर्ज मंजुरी!
सज्ज व्हा आपले आयुष्य सुखकर आणि सोयीस्कर करण्यासाठी! वाहन कर्जाबाबत अधिक माहितीसाठी आजच आपल्या नजीकच्या शाखेशी संपर्क साधा.

अवघ्या जगासाठी अन्नधान्य पिकवतांना बळीराजा अनेक आर्थिक अडचणींना सामोरा जातो. त्यामुळे बऱ्याचदा त्याला स्वतःसाठीही पैसे अपुरे पडतात. याच अडचणींचा विचार करून पैशांअभावी शेतकऱ्यांची प्रगती थांबू नये या हेतूने श्री व्यंकटेश मल्टीस्टेटने सुरू केली आहे 'समृद्ध शेतकरी कर्ज योजना'! या योजनेद्वारे शेतकऱ्यांना रु. २ लाखांपर्यंत अत्यंत कमी कागदपत्रांसह त्वरित कर्ज उपलब्ध करून दिले जाते. शिवाय या योजनेत शेतकऱ्यांना मासिक हप्त्याचे बंधन राहत नाही. सोबतच संपूर्ण कर्जाची रक्कम एकाच वेळी फेडण्याची सुविधा देखील उपलब्ध करून दिली जाते.
आता बळीराजाच्या घरी येणार आनंदाची सुगी! समृद्ध शेतकरी कर्ज योजनेबद्दल अधिक माहिती प्राप्त करण्यासाठी 18005322111 या क्रमांकावर संपर्क साधा अथवा आपल्या जवळच्या शाखेशी संपर्क साधा.

महिला सबलीकरण, महिला व्यावसायिकांना प्रोत्साहित करण्यासाठी आणि त्यांच्या व्यवसायाला चालना देण्यासाठी, श्री व्यंकटेश मल्टीस्टेट सोसायटी कायम तत्पर असते आणि म्हणूनच संस्था बचत गटांना देते महिला बचत गट कर्ज. आज असंख्य महिला बचत गट संस्था जोमाने कार्यरत आहेत, स्वबळावर एक नवा व्यवसाय उभा करीत आहेत. त्यांच्या स्वप्नांना सत्यात उतरवण्यासाठी श्री व्यंकटेश मल्टीस्टेट सोसायटी देते अत्यंत कमी व्याजदरात त्वरित कर्ज मंजुरी.
व्यवसाय वृद्धीसाठी अथवा स्वप्नपूर्तीसाठी महिला बचत गट कर्ज हवे असल्यास आपल्या नजीकच्या शाखेला भेट द्या किंवा 1800-5322-111 वर कॉल करा.