संस्थेविषयी

श्री व्यंकटेश मल्टीस्टेट को-ऑपरेटिव्ह सोसायटी

आपल्या स्वत: च काही असावं असं प्रत्येकालाच वाटत. पण, आपली आपल्या समाजाप्रती काही जबाबदारी आहे. त्यासाठी आपल्याला काही करणं आवश्यक आहे. हा विचार प्रत्येकालाच येईल याची शक्यता फार कमी आहे. मात्र, काही प्रगतशील विचारांच्या तरुणांनी याच विचाराची कास धरुन बारा वर्षांपूर्वी श्री व्यंकटेश मल्टीस्टेट को-ऑपरेटिव्ह सोसायटीची स्थापना केली होती.

ग्रामीण भागात तत्पर आर्थिक सेवा प्राप्त होणं मुश्किल आहे. हे त्यांना माहिती होतं. म्हणून ग्रामीण भागातील सर्व जनतेला आर्थिक सेवा तत्पर मिळाव्या हा उद्देश ठेवून या संस्थेचा श्रीगणेशा करण्यात आला होता. आज बघता बघता समाधानी खातेदारांचा महापारीवार झाला आहे.

गेल्या काही वर्षात संकटांचा सामना करत, कुठेच न डगमगता खातेदारांना सहज बॅंंकिंग सुविधा मिळाव्यात यासाठी संस्था प्रयत्नशील आहे. याचाच भाग म्हणून संस्थेने सर्व शाखा डिजिटल केल्या असून आता खातेदारांना घरबसल्या बॅंकेचे व्यवहार करता येत आहेत. तसेच, नवीन ग्राहकांनाही काही क्षणातच अकाउंट ओपन करण्याची सुविधाही संस्थेच्या वतीने देण्यात येत आहे.

याचबरोबर मोबाइल बँकिंग, नेट बँकिंग, आधार बँकिंग, एसएमएस बँकिंग, मायक्रो एटीएम इत्यादी महत्वाच्या सुविधा संस्थेच्या वतीने खातेदारांना दिल्या जात आहेत. याशिवाय संस्थेने अत्याधुनिक तंत्रज्ञानाला स्वीकारत काळानुरुप कार्यपद्धतीत बदल करत नेहमीच ग्राहक हिताला प्राधान्य दिले आहे.

व्हिजन , मिशन आणि मूल्ये

व्हिजन

लोकांना आर्थिक सक्षम करुन बुलंद भारताची निर्मिती करणे.

मिशन

सन २०३५ पर्यंत १ कोटी कुटुंबांना आर्थिक स्वातंत्र्य मिळवूण देणे.

मूल्ये

नीतिमत्ता: प्रत्येक कार्य नीतिनं, पारदर्शकपणे, निष्पक्षपणे आणि अखंडपणे करणे.
एकता: ऐक्य भावनेने सामाजिक तत्त्वांचे पालन करत आणि इतरांनाही सोबत घेवून प्रगती करणे.
गुणवत्ता: उत्कृष्ठतेचा ध्यास आणि अत्याधुनिकतेची साथ घेवून दर्जेदार आणि गुणवत्तापूर्वक कार्य करणे.
सक्षमता: सर्वांच्या सर्वांगिण सक्षमतेसाठी प्रयत्न करणे आणि बुलंद भारताच्या निर्मितीसाठी हातभार लावणे.
विश्वास: विश्वास निर्माण करणे, जपणे आणि वृध्दींगत करणे.

अध्यक्षांचे मनोगत

मा. श्री कृष्णा मसुरे,

चेअरमन

मित्रहो, इथपर्यंतचा प्रवास सहज नाही आहे. यासाठी खूप संकटांना तोंड दिले आहे. पण, आपली समाजाप्रती असलेली निष्ठा आणि तत्वांना कधी सोडले नाही. म्हणूनच आज आपल्याला अनेक अत्याधुनिक सुविधा देत आहोत याचा आनंद होत आहे. तसेच, आपण ठरवलेल्या उद्दीष्टांच्या दिशेनं आपली योग्य वाटचाल सुरू आहे याचाही तेवढाच आनंद आहे.

बॅंकिंगच्या सुविधा तळागाळातील नागरिकांना सहज उपलब्ध व्हाव्यात यासाठी संस्थेच्या वतीने अनेक नवनवीन प्रकल्प राबवण्यात येत आहे. यामध्ये डिजिटल एजंट, V पार्टनर यांचा समावेश असून नागरिकांना आर्थिक समृद्धीच्या दिशेनं पुढे नेण्यास हे प्रकल्प महत्वाची कामगिरी बजावत आहेत. तसेच, ज्या क्षेत्रात बॅंकिंगच्या सुविधा कमी प्रमाणात आहेत.

याचबरोबर व्यंकटेश फाऊंडेशन तरुणाईला उद्योग क्षेत्रात उतरवण्यासाठी अनेक महत्वाचे उपक्रम राबवत आहे. तसेच, शिक्षण, महिला सक्षमीकरण, अन्नछत्रालय आणि आरोग्य या सर्व क्षेत्रात आपला खारीचा वाटा देण्याचा प्रयत्न करत आहे.

हे सर्व आपल्या सर्वांच्या प्रेमामुळे शक्य होत आहे. आपण आमच्यावर दाखवलेला विश्वास अफाट असून आम्ही तो कधीच ढळू देणार नाही. आपली सोबत कायम राहावी.. हीच अपेक्षा..